Ինչպես հայտնի է, ձմռան ամիսներին շնչառական վարակները ակտիվանում են: «Միքայելյան» համալսարանական հիվանդանոցի քիթ-կոկորդ-ականջաբան, ԵՊԲՀ ԼՕՌ ամբիոնի դասախոս Տաթևիկ Փխրիկյանը նշում է պատճառները:

1. Օրգանիզմի դիմադրողականության անկումը՝ կապված կլիմայական փոփոխության հետ (ցածր ջերմաստիճան, արևի բացակայություն)
2. Փակ տարածքներում մարդկային կուտակումներ:

Ըստ հետազոտության տվյալների՝ 0-ից մինչև -5 պայմաններում շնչառական վարակները ավելի ակտիվանում են (ընդգրկված է եղել -30* ից մինչև 30* ջերմության պայմանները) Սեզոնային սուր շնչառական վարակների տարածվածության պայմաններում քիթ-կոկորդ-ականջի խնամքը առաջնահերթ է, միևնույն ժամանակ, եթե ոչ խնամել, ապա գոնե կարելի է չվնասել և չվտանգել սեփական առողջությունը: Այս առումով բժիշկը հիշեցնում է «չի կարելիների» շարքը.

1. Անոթասեղմիչ քթի կաթիլներ երկարատև չի կարելի օգտագործել:
2. Ականջի մեջ մի կաթացրեք «ժողովրդական» միջոցներ (մեղր, սխտոր, մաղադանոս…):
3. Ինքնաբուժությամբ մի զբաղվեք, հատկապես ականջի հիվանդությունների դեպքում դա կարող է անդառնալի հետևանքներ ունենալ:
4. Կոկորդի կամ ըմպանի ցանկացած ցավ մի բուժեք անտիբիոտիկոթերապիայով:

 Տաթևիկ Փխրիկյանը խորհուրդ է տալիս

1. Հագնվել եղանակին համապատասխան
2. Մարդաշատ վայրերում կրել դիմակ
3. Լվանալ ձեռքերը՝ հատկապես հասարակական վայրերում գտնվելուց հետո:

Առողջ եղեք!