Երիկամները չեն սիրում «բողոքել»։ Մի՛ սպասեք ախտանշաններին, հոգ տարեք նրանց մասին ժամանակին «Միքայելյան» համալսարանական հիվանդանոցի Ընդհանուր թերապիայի կլինիկայի նեֆրոլոգ, ԵՊԲՀ ներքին հիվանդությունների (պուլմոնոլոգիա և նեֆրոլոգիա) ամբիոնի դասախոս Աննա Հարությունյանը ներկայացնում է պարզ, բայց կարևոր խորհուրդներ, որոնք կօգնեն պահպանել երիկամների առողջությունը և նվազեցնել երիկամային հիվանդությունների զարգացման ռիսկը։

1. Խմեք բավարար քանակությամբ ջուր։

Հետևեք ընդունած հեղուկների և արտազատվող մեզի քանակի համապատասխանությանը։

 2. Սնվեք առողջ։

Սահմանափակեք կերակրի աղի օգտագործումը, պահպանեք առողջ քաշ և եղեք ֆիզիկապես ակտիվ։

 3. Խուսափեք ծխելուց և սահմանափակեք ալկոհոլի օգտագործումը։

4. Վերահսկեք արյան մեջ գլյուկոզայի մակարդակն ու զարկերակային ճնշումը։ Դրանք երիկամային հիվանդությունների զարգացման հիմնական ռիսկի գործոններից են։

 5. Խուսափեք ցավազրկող դեղերի հաճախակի և անվերահսկելի օգտագործումից։

 Իսկ ինչպե՞ս գնահատել երիկամների առողջությունը։

Նախնական պատկերացում կազմելու համար կարևոր են հետևյալ հետազոտությունները.

•  արյան մեջ կրեատինինի և միզանյութի մակարդակի որոշում, ինչպես նաև կծիկային ֆիլտրացիայի արագության (ԿՖԱ) հաշվարկ,
•  մեզի ընդհանուր քննություն,
•  երիկամների ուլտրաձայնային հետազոտություն։

 Հիշե՛ք. կանոնավոր հետազոտությունները հնարավորություն են տալիս վաղ հայտնաբերել խնդիրները և միջոցներ ձեռնարկել դրանց հետագա խորացումը կանխելու համար։ Ժամանակին հետազոտվելը լավագույն ներդրումն է ձեր առողջության մեջ, քանի որ կանխարգելումը միշտ ավելի հեշտ, անվտանգ և արդյունավետ է, քան արդեն զարգացած հիվանդության բուժումը։