Ծնվել եմ 1947 թ. ք. Երևանում ծառայողների ընտանիքում:

1965 թ. ընդունվել և 1971 թ. գերազանցությամբ ավարտել եմ ԵՊԲԻ-ի բուժական ֆակուլտետը:

1971-1972 թթ. – բժիշկ-ինտերն Հոկտեմբերյանի շրջանային բուժմիավորումում (Հանրապետական կլինիկական հիվանդանոցի բազայի վրա):

1972-1974 թթ.- ք. Երևանի №4 պոլիկլինիկայի տեղամասային թերապևտ:

1974 թ-ից աշխատել եմ Բժիշկների կատարելագործման Երևանի պետական ինստիտուտի ինֆեկցիոն հիվանդությունների ամբիոնում որպես ավագ լաբորանտ:

1975 – 1976 թթ. նույն ինստիտուտում անցել եմ մասնագիտացում և ստացել  բժիշկ – ինֆեկցիոնիստի որակավորում:

1977 - 1994 թթ.- նույն ամբիոնում ասիստենտ (1993 թ - ից ԵԲՊԿԻ-ը վերանվանվել է Առողջապահության ազգային ինստիտուտի):

1990թ. պաշտպանել եմ թեկնածուական թեզը «Фосфолипазный тест в дифференциальной диагностике вирусных гепатитов и подпеченочных желтух» (14.00.05 – ներքին հիվանդություններ, 14.00.10 – ինֆեկցիոն հիվանդություններ):

1994 – 2000թթ.–ինֆեկցիոն հիվանդությունների ամբիոնի վարիչ:

1994 – 1995 թթ. – համատեղության կարգով աշխատել եմ ԵՊԲԻ-ի ինֆեկցիոն հիվանդությունների ամբիոնում որպես ասիստենտ:

2000-2009 թթ.-նույն ամբիոնի դոցենտ:

2007 թ – ին  շնորհվել է դոցենտի գիտական կոչում բժշկագիտություն մասնագիտությամբ:

2009-2011թթ.–ՀՀ ԱՆ Առողջապահության Ազգային Ինստիտուտի ինֆեկցիոն հիվանդությունների ամբիոնի վարիչ: 

2011 թ. ից աշխատում եմ Երևանի Մ.Հերացու անվան Պետական Բժշկական Համալսարանի ինֆեկցիոն հիվանդությունների ամբիոնի դոցենտ:

Մանկավարժական գործունեությունն ուղղված է բժիշկ-ինֆեկցիոնիստների հետբուհական և շարունակական կրթությանը:

Մասնակցել եմ ամբիոնի վերապատրաստման արտագնա դասընթացներին հանրապետության մարզերում և Արցախում: Հանդիսանում եմ ԱՄՆ ՀՕՖ «ՀՀ մարզերի և ԼՂՀ բժիշկների վերապատրաստում» ծրագրի ինֆեկցիոն հիվանդությունների վարման ղեկավար:

Վարում եմ ծավալուն պրակտիկ աշխատանք: 2004-2020 թթ. համատեղությամբ աշխատել եմ  «Նորք» ինֆեկցիոն կլինիկական հիվանդանոցի մեծահասակների բաժանմունքի վարիչ: Բժիշկ – խորհրդատու եմ Համալսարանական N1, «Դիագնոստիկա» և «Իզմիրլյան» ԲԿ – ներում: 1977-2009 թթ եղել եմ ՍԳԼ ԲԿ-ում բժիշկ խորհրդատու:

Բազմիցս մեկնել եմ հանրապետության և Արցախի շրջաններ համաճարակային բռնկումների ժամանակ՝ տեղում պրակտիկ օգնություն ցուցաբերելու նպատակով, համագործակցում եմ տարբեր պրոֆիլի մասնագետների հետ:

Ակտիվ մասնակցում եմ հանրապետության բժշկական կյանքին, համագործակցում գիտական նախագծերում և ծրագրերում:

Բազմիցս ելույթ եմ ունեցել տարբեր կոնֆերանսներին, սեմինարներին և վարժանքներին:  Հեռուստատեսության կողմից կազմակերպած բժշկական և հանրամատչելի հաղորդումներին ելույթ եմ ունեցել բնակչությանը հետաքրքրող ինֆեկցիոն հիվանդությունների հարցերի շուրջ:

Գիտական գործունեությունս բազմազան է և ընդգրկում է ինֆեկտոլոգիայի զանազան ոլորտները:

119 գիտական աշխատանքների, այդ թվում 2 ուսումնական, 5 ուսումնա-մեթոդական, 3 մեթոդական ձեռնարկների, 1 ազգային ուղեցույցի և 1 հեղինակային արտոնագրի համահեղինակ եմ:

Պարգևատրվել եմ ՀՀ ԱՆ 2005թ, 2012թ (2 անգամ) պատվոգրերով և ՀՀ ՊՆ Զինված ուժերի գլխավոր շտաբի 2012թ. պատվոգրով:  2017 թ.  ԵՊԲՀ  ռեկտորի կողմից պատվոգրով: