Ծնվել է 1947 թ. ք. Երևանում ծառայողների ընտանիքում:

1965 թ. ընդունվել և 1971 թ. գերազանցությամբ ավարտել է ԵՊԲԻ-ի բուժական ֆակուլտետը:

1971-1972 թթ. – բժիշկ-ինտերն Հոկտեմբերյանի շրջանային բուժմիավորումում (Հանրապետական կլինիկական հիվանդանոցի բազայի վրա):

1972-1974 թթ.- ք. Երևանի №4 պոլիկլինիկայի տեղամասային թերապևտ:

1974 թ-ից աշխատել է Բժիշկների կատարելագործման Երևանի պետական ինստիտուտի ինֆեկցիոն հիվանդությունների ամբիոնում որպես ավագ լաբորանտ:

1975 – 1976 թթ. նույն ինստիտուտում անցել է մասնագիտացում և ստացել  բժիշկ-ինֆեկցիոնիստի որակավորում:

1977 - 1994 թթ.- նույն ամբիոնում ասիստենտ (1993 թ- ից ԵԲՊԿԻ-ը վերանվանվել է Առողջապահության ազգային ինստիտուտի):

1990թ. պաշտպանել է թեկնածուական թեզը «Фосфолипазный тест в дифференциальной диагностике вирусных гепатитов и подпеченочных желтух» (14.00.05 -ներքին հիվանդություններ, 14.00.10 – ինֆեկցիոն հիվանդություններ):

1994 – 2000թթ.–ինֆեկցիոն հիվանդությունների ամբիոնի վարիչ:

1994 – 1995 թթ. – համատեղության կարգով աշխատել է ԵՊԲԻ-ի ինֆեկցիոն հիվանդությունների ամբիոնում որպես ասիստենտ:

2000-2009 թթ.-նույն ամբիոնի դոցենտ:

2007 թ – ին  շնորհվել է դոցենտի գիտական կոչում բժշկագիտություն մասնագիտությամբ:

2009-2011թթ.–ՀՀ ԱՆ Առողջապահության Ազգային Ինստիտուտի ինֆեկցիոն հիվանդությունների ամբիոնի վարիչ: 

2011 թ. ից աշխատում է Երևանի Մ.Հերացու անվան Պետական Բժշկական Համալսարանի ինֆեկցիոն հիվանդությունների ամբիոնի դոցենտ:

Մանկավարժական գործունեությունն ուղղված է բժիշկ-ինֆեկցիոնիստների հետբուհական և շարունակական կրթությանը:

Մասնակցել է ամբիոնի վերապատրաստման արտագնա դասընթացներին հանրապետության մարզերում և Արցախում: Հանդիսանում է ԱՄՆ ՀՕՖ «ՀՀ մարզերի և ԼՂՀ բժիշկների վերապատրաստում» ծրագրի ինֆեկցիոն հիվանդությունների վարման ղեկավար:

Վարում է ծավալուն պրակտիկ աշխատանք: 2004-2020 թթ. համատեղությամբ աշխատել է  «Նորք» ինֆեկցիոն կլինիկական հիվանդանոցի մեծահասակների բաժանմունքի վարիչ: Բժիշկ – խորհրդատու է Համալսարանական N1, «Դիագնոստիկա» և «Իզմիրլյան» ԲԿ-ներում: 1977-2009 թթ եղել է ՍԳԼ ԲԿ-ում բժիշկ խորհրդատու:

Բազմիցս մեկնել է հանրապետության և Արցախի շրջաններ համաճարակային բռնկումների ժամանակ՝ տեղում պրակտիկ օգնություն ցուցաբերելու նպատակով, համագործակցում է տարբեր պրոֆիլի մասնագետների հետ:

Ակտիվ մասնակցում է հանրապետության բժշկական կյանքին, համագործակցում գիտական նախագծերում և ծրագրերում:

Բազմիցս ելույթ է ունեցել տարբեր կոնֆերանսներին, սեմինարներին և վարժանքներին: Հեռուստատեսության կողմից կազմակերպած բժշկական և հանրամատչելի հաղորդումներին ելույթ է ունեցել բնակչությանը հետաքրքրող ինֆեկցիոն հիվանդությունների հարցերի շուրջ:

Գիտական գործունեությունը բազմազան է և ընդգրկում է ինֆեկտոլոգիայի զանազան ոլորտները:

119 գիտական աշխատանքների, այդ թվում 2 ուսումնական, 5 ուսումնա-մեթոդական, 3 մեթոդական ձեռնարկների, 1 ազգային ուղեցույցի և 1 հեղինակային արտոնագրի համահեղինակ է:

Պարգևատրվել է ՀՀ ԱՆ 2005թ, 2012թ (2 անգամ) պատվոգրերով և ՀՀ ՊՆ Զինված ուժերի գլխավոր շտաբի 2012թ. պատվոգրով:  2017 թ.  ԵՊԲՀ  ռեկտորի կողմից պատվոգրով: